ஸ்பானிஷ் சூப்பர் கோப்பை; பார்சிலோனா சாம்பியன்

ஜெத்தா, ஜன.13; ஸ்பானிஷ் சூப்பர் கோப்பை கால்பந்து போட்டியில் ரியல் மேட்ரிட்டை வீழ்த்தி பார்சிலோனா அணி சாம்பியன் பட்டம் வென்றது. சௌதி அரேபியாவில் உள்ள ஜெத்தா நகரில் நேற்று நடைபெற்ற இறுதி ஆட்டத்தில், பார்சிலோனாவின் ஆதிக்கம் கொடிகட்டிப் பறந்தது. ரஃபின்ஹா ​​இரண்டு கோல்களும், ராபர்ட் லெவன்டோவ்ஸ்கி, அலெஜான்ட்ரோ பால்டே மற்றும் லமைன் யமால் தலா ஒரு கோலும் அடித்தனர். ரியல் மேட்ரிட் அணிக்கான கோல்களை கிலியன் எம்பாப்பே மற்றும் ரோட்ரிகோ ஆகியோர் அடித்தனர்.