வந்தே பாரத் ரயிலைத் தொடர்ந்து நமோ பாரத் விரைவு ரயில் சேவை கடந்த செப்டம்பர் மாதம் அறிமுகம் செய்யப்பட்டது. நமோ பாரத் விரைவு ரயில் பொதுவாக, இரண்டு நகரங்களுக்கு இடையே பயணிக்கும் 12 அமரும் குளிர் சாதன பெட்டிகளை கொண்ட முன்பதிவில்லா விரைவு ரயிலாகும்.
அதிகபட்சமாக மணிக்கு 130 கிலோ மீட்டர் வேகத்தில் செல்லக்கூடிய இந்த ரயிலில் 3,208 பயணிகள் செல்ல முடியும். இதில் 1,150 பேர் அமர்ந்து கொண்டும், 2,058 பேர் நின்று கொண்டும் பயணிக்கும் வகையில் உள்ளது. கடந்த 2 மாதங்களாக பயன்பாட்டில் இருந்துவரும் நமோ பாரத் ரயிலைப் பிரபலப்படுத்தும் வகையில், ரயில்வே நிர்வாகம் புதிய அறிவிப்பு ஒன்றை வெளியிட்டுள்ளது.
அதன்படி, நமோ பாரத் ரயில்கள் மற்றும் விரைவு ரயில் நிலையங்களில் குறும்படம் அல்லது ரீல்ஸ்களைப் படம்பிடித்து ஒன்றரை லட்சம் ரூபாய் வரை பரிசுகளை வெல்லலாம் என்று அறிவிக்கப்பட்டுள்ளது. போட்டிக்கான வழிமுறைகளை தேசிய தலைநகர் போக்குவரத்துக் கழகம் வெளியிடப்பட்டுள்ளது.
ரீல்கள் மற்றும் திரைப்படங்களை உருவாக்குவதில் ஆர்வமாக இருப்பவர்கள், திறமையை வெளிப்படுத்தி குறிப்பிடத்தக்க ரொக்க விருதுகளைப் பெறலாம் என்று தேசிய தலைநகர் மண்டல போக்குவரத்து கழகமான NCRTC அறிவித்திருக்கிறது. ஆர்வமுள்ள திரைப்பட தயாரிப்பாளர்கள் மற்றும் உள்ளடக்கத்தை உருவாக்குபவர்கள் தங்கள் படைப்பாற்றலை வெளிப்படுத்தி ரூ. 1.5 லட்சம் ரொக்கப் பரிசை வெல்லலாம் என்று தெரிவிக்கப்பட்டுள்ளது.
உள்ளடக்கத்தை உருவாக்குபவர், சுயாதீன திரைப்பட தயாரிப்பாளர் அல்லது கல்லூரி மாணவர் என யார் வேண்டுமானாலும் பங்கேற்கலாம். இன்ஸ்டாகிராமில், என்சிஆர்டிசி மற்றும் நமோ பாரத் டெல்லி மீரட்டின் அதிகாரப்பூர்வ கணக்குப் போட்டி விவரங்களைப் பகிர்ந்துள்ளது. அந்த இடுகையின் படி, போட்டியானது “நமோ பாரத் ரயில்கள் மற்றும் RRTS நிலையங்களை திரைப்படம் மற்றும் ஊடகத் திட்டங்களுக்கான சிறந்த இடங்களாக மேம்படுத்துதல், RRTS உடன் பொதுமக்களின் ஈடுபாட்டை மேம்படுத்துதல் மற்றும் தேசிய தலைநகரப் பகுதியில் அதன் மாற்றத்தக்க தாக்கத்தை வெளிப்படுத்துவதை நோக்கமாகக் கொண்டுள்ளது.
போட்டியில் பங்கேற்க குறிப்பிட்ட வகை அல்லது கதைக் கட்டுப்பாடுகள் எதுவும் இல்லை. பங்கேற்பாளர்கள் முழுமையான படைப்பாற்றல் சுதந்திரம் மற்றும் நமோ பாரத் ரயில் மற்றும் RRTS நிலையங்கள் முக்கியமாக இடம்பெறும் வரை, தனிப்பட்ட பார்வையை தங்களது பணியில் செலுத்த ஊக்குவிக்கப்படுகிறார்கள். படைப்புகள் இந்தி அல்லது ஆங்கிலத்தில் விருப்ப வசனங்களுடன் இருக்கலாம். முதல் மூன்று வெற்றியாளர்கள் ரொக்கப் பரிசுகளைப் பெறுவார்கள். முதலாவது இடம் பிடிப்பவருக்கு 1,50,000 ரூபாயும், 2ஆவது இடம் பிடிப்பவருக்கு 1,00,000 ரூபாயும், மூன்றாவது இடம்பிடிப்பவருக்கு 50,000 ரூபாயும் பரிசாக வழங்கப்படும்.
குறும்படம் மற்றும் ரீல்ஸ்களை [email protected] என்ற மின்னஞ்சல் முகவரிக்கு “நமோ பாரத் குறும்பட தயாரிப்பு போட்டிக்கான விண்ணப்பம்” என்ற தலைப்பில் அனுப்ப வேண்டும். மின்னஞ்சலில் அனுப்புவரின் முழுப் பெயர் இருக்க வேண்டும், ஒரு கதைச் சுருக்கம் (100 வார்த்தைகள் வரை) இருக்கலாம்.
